Sir rasa papan raga
dzat marifat wujud kula
maring Purbawisesa
Terahwisesa
Ratu Galuh.
Pepeling Tajimalela:
Sumanget ka Sumedangan
tara ngukut kanti risi
tara reuwas ku beja
sikepna titih caringcing
jauh tina hiri dengki
nyekel tetekon nu luhung
gagah bedas tanpa lawan
handap asor, hade budi
kaSABARan nyata, elmu katunggalan
Sumedang rang rang;
gunung di tugaran
tatangkalan di tuaran
cai kasaatan
sawareh pangagung unggah paliwat tangan
teu saetik rahayatna nu balangsak
nu jadi marga lantaran
patetongan,
teu layeut jeung duduluran
pagirang-girang tampian
deudeuh teuing Sumedang
deudeuh teuing Ki Sunda
mugia Sumedang sirungan
mugia Sumedang daunan
mugia Sumedang kembangan
mugia Sumedang buahan
rahayu Sumedang
rahayu Ki Sunda
rahayu, rahayu, rahayu
Tidak ada komentar:
Posting Komentar